Disa anëtarë të Aleancës për Mbrojtjen e Teatrit janë shoqëruar pasditen e sotme në komisariatin Nr.1 Tiranë.
Ata dyshohet se janë shoqëruar pasi një prej tyre tentoi të thyejë kordonin policor tek pedonalja e Tiranës afër Ministrisë së Brendshme.
Sipas “Balkan Web” janë shoqëruar arkitekti Astrit Seranaj, pedagogu Ergys Mertiri, artisti Donald Martini dhe tekniku Gentjan Hasani. Fillimisht është shoqëruar Astrit Seranaj dhe më pas 3 të tjerët.
Lajmin e shoqërimeve e ka konfirmuar me një status në Facebook edhe aktori Neritan Liçaj. Ai shkruan se Policia ka shoqëruar 4 anëtarët pa asnjë arsye.
“Policia diktatoriale…ka ndaluar antarët e Aleancës për mbrojtjen teatrit pa asnjë arsye…cuc gangsterri!Kam ndaluar Titi Seranaj arkitekt.Donald Martini artitlst dhe Ergys Mertiri.Turp me shume madh nuk bëhet!”- shkruan ai.
