Policia në Chelan County, Uashington, ka publikuar pamje të reja nga kamerat e një dere shtëpie dhe disa fotografi të Travis Decker, i cili është në kërkim për vrasjen e tri vajzave të tij të mitura: Paityn (9 vjeç), Evelyn (8) dhe Olivia (5).
Sipas autoriteteve, pamjet janë nga ditët para fillimit të vizitës së planifikuar që Decker kishte me vajzat më 30 maj, vizitë nga e cila ato nuk u kthyen më. Vajzat u gjetën të vdekura më 2 qershor rreth orës 15:45, pranë kampingut Rock Island në Chelan County. Raporti paraprak i autopsisë sugjeron se vdekja e tyre erdhi nga asfiksia.
Në pamjet e publikuara, Decker shfaqet me syze dielli dhe një bluzë të çelët. Këto janë imazhet më të fundit që tregojnë paraqitjen e tij aktuale.
