Policia në Mbretërinë e Bashkuar ka shpallur një kërkim një person dhe kërkoi ndihmën e njerëzve për ta identifikuar, duke publikuar një foto të tij duke vjedhur nga një restorant.
https://www.facebook.com/BlackpoolPolice/photos/a.382639948432987/2132566913440273/?type=3&theater
“E njihni këtë burrë? Ne duam të flasim me të në lidhje me një vjedhje që ndodhi në 20 shtator ne zonën Blackpool” – shkruante në Facebook, policia.
Mirëpo fansat e serialit “Friends” menjëherë vunë re ngjashmërinë e tij, me personazhin e Ross nga seriali “Friends”, që luhet nga aktori David Schwimmer.
“Ai është Ross, është Ross! U rikthye më në fund!” – shkruante një komentues.
“Duket si Ross nga foto dhe me siguri ka studiuar për shkencë dhe ka Unagi (fansat e serialit e kuptojnë këtë) dhe sigurisht që ishte në një periudhë pushimi me Rachel dhe nuk e tradhëtoi” – komentoi një tjetër.
“Uauuuu! Rachel ka braktisur Ross dhe ai ka kaluar në depresion dhe ka nisur të vjedhë! E zgjidha puzzlin” – tha një prej fansave të serialit.
Teksa komentet sa vinin e shtoheshin, departamenti i Policisë së Blackpool u detyrua të kthente një përgjigje.
“Ju falenderoj të gjithëve për përgjigjet e menjëhershme. Nga investigimet që bëmë konfirmuam se David Schwimmer ka qënë në Amerikë atë ditë dhe jo në Britani!”
Ndërkohë që gjithë argëtimit i është bashkuar edhe vetë aktori, i cili me humorin që e karakterizon, ka realizuar të njëjtën video nga një supermarket në Amerikë. Duke iu bërë të ditur se nuk është ai!
“Oficer, ju betohem nuk isha unë. Siç e shihni, isha në New York.” – shkruan plot humor aktori.
