Gazetari Blendi Fevziu është kujdesur që portrenin e plotë të voglës së tij, Alis të mos e zbulojë, pasi siç e shpjegoi edhe sot në studion e emisionit “Rudina”, është një vendim që duhet ta marrë ajo kur të rritet edhe pak.
Mirëpo bashkëshortja e tij, Ines nuk ndan të njëjtin mendim, ndaj e surprizoi me një videomesazh nga vogëlushja 3-vjeçare. E veshur me një kostum të kuq, duke buzëqeshur, vogëlushja shfaqej në një qendër tregtare duke treguar të gjithë dashurinë që ka për të atin.
“Babi të kam zemër, të kam shpirt” – shprehej e vogla Alis.
Ndërkohë që Blendi Fevziu u përlot nga videomesazhi dhe zbuloi se duhet të jetë realizuar sot sepse kjo ishte veshja e saj.
“Kjo ishte veshja e saj sot në mëngjes. Më tha: Shiko sa bukur jam veshur. Ajo është shumë kurioze dhe ndonjëherë habitemi nga mënyra se si i formon fjalitë. Në përgjithësi unë nuk e nxjerr vajzën, jam përpjekur të publikoj foto si hije sepse dua që kur të rritet të marrë vetë vendimin nëse do të bëhet publike”, tha Fevziu.
Ndiqni videon në minutën e 10-të:
