Pëllumb Pipero ka treguar sot disa momente vërtet të trishta të të infektuarve me koronavirus që nuk kishin pranë asnjë nga familjarët në momentet kur ndërruan jetë.
Mjeku Infeksionist, foli tepër i emocionuar në emisionin Provokacia të ABC News, për rastet kur ka qenë vetë dëshmitar i të infektuarve që nuk patën mundësi të ndaheshin si duhej me familjarët.
Ai u shpreh se kishte një rast të cilit i qëlloi gruaja bashkë me fëmijët në Italia, apo telefonata të tipit “Po varrin ku mund t’ia gjejmë kur të vijmë”!
Pipero u shpreh se në 40 vjet karrierë si doktor, ishte hera e parë që po përballet me këtë lloj situate.
Mjeku nuk e përjashtoi dot se mund të ketë një valë të dytë të virusit edhe pse ritmet e epidemisë kanë rënë në të gjithë botën.
Megjithatë Pipero u shpreh optimist për këtë moment kur tha se COVID-19 është “vëllai i vogël i SARS që për 7-8 muaj u zhduk nga qarkullimi”.
/Iconstyle.al
