Ah paratë, paratë… Pas atyre të shkretave rrotullohet e gjithë bota dhe prapë se prapë janë ndër tematikat më të sikletshme për t’u diskutuar, veçanërisht në shoqëri. Sa herë ju ka ndodhur që një mik t’ju bëjë një nder dhe t’ju ketë kërkuar para mbrapsht?
E kemi fjalën për gjithë ato herët që të kanë çuar në aeroport me makinë, për atë rastin e sikletshëm kur ke dalë për të pirë dhe ke harruar portofolin në shtëpi, ose për atë rastin akoma më të sikletshëm kur ke qenë disi i/e dehur dhe ke qenë duke ikur nga lokali pa paguar… gjëra të kësaj natyre. T’i kanë kërkuar ndonjëherë paratë mbrapsht? Dyshojmë!
Dhe situata bëhet edhe më e sikletshme kur ti ofrohesh t’i paguash dhe plas ajo lufta e lezetshme tipike shqiptare ku zihen be kokat e familjarëve dhe paratë thuajse grisen vetëm e vetëm që të mos pranohen. Ndodh!
Por për të mos përfunduar në këtë pikë, na vjen në ndihmë teknologjia dhe konkretisht, opsioni D & T (Depozito & Transfero) në Snapfood. Nëpërmjet këtij opsioni, ti mund t’i transferosh kredit miqve të tu në çdo kohë, pa asnjë pagesë extra dhe në siguri të plotë.
Paratë mund t’i kësh grumbulluar nga cashback pas porosive që ke bërë, por nëse nuk të mjaftojnë aq sa ke grumbulluar për të shlyer “borxhin” me miqtë e tu, nëpërmjet opsionit Depozito, ti mund të kalosh paratë nga karta jote e debitit ose e kreditit, direkt në kuletën tënde në Snapfood e më tej të vijosh me transfertën.
Pra nëse ndonjëherë macja jote (po e kuptoni besojmë që kemi diçka me macet) do t’i shkatërrojë këpucët shokut/shoqes tënde sepse i ka lënë në korridor ose nëse i merr makinën borxh dhe ia përkëdhel padashje parakolpin me murin e pallatit, tashmë e di çfarë të bësh.
