Andi dhe Melisa njihen si një nga çiftet më afatgjata të dala nga emisioni i dashurisë “Përputhen”. Pas shumë ndarjeve dhe bashkimeve siç duket ata po përjetojnë një tjetër periudhë të keqe në lidhjen e tyre.
Gjatë lidhjes së tyre, çifti ka kaluar shumë kriza të cilat gjithmonë janë bërë publike. Së fundmi ata i kanë fshirë të gjitha postimet e tyre së bashku nga instagrami dhe nuk e ndjekin më njëri-tjetrin.
E teksa publiku ka qenë dëshmitar i shumë krizave dhe ndarjeve të tyre duket se kësaj here mendojnë se është e gjitha vetëm një lojë mes tyre.
Mos po e bëjnë të gjithën për vëmendje, epo nuk i dihet pasi pas çdo ndarje çifti shihet duke dalë në kryeqytet.
Kujtojmë se ata u përfolën se i kishin dhënë fund historisë së tyre të dashurisë 2 muaj më parë.
Ky lajm erdhi si pasojë e disa postimeve që Melisa bëri në “Instastory”, duke nënkuptuar se mund të jenë ndarë.
“E penduar deri në pikë të fundit! U kry!”, shkruante ajo.
Më pas dyshja kanë fshirë fotot e njëri-tjetrit nga rrjetet e tyre sociale duke i ‘ndezur’ më shumë thashethemet.
Por mbas komenteve të shumta se ndarja ka qenë vetëm një lojë, përmes një videoje në “Instastory”, Melisa tregoi se ndarja e tyre nuk ka qenë e tillë.
“Një pyetje kam për këto që thonë Melisa dhe Andi u shtirën, nuk u ndanë, vazhdojnë jetojnë bashkë. Çfarë dreqin desha me arrit unë me ndarjen? Këngë nuk nxora, intervista nuk shkuam. Aman na lini të qetë”, u shpreh Melisa.
