Dasma luksoze e showbizit të Kourtney Kardashian dhe Travis Barker po sponsorizohet nga shtëpia luksoze e modës “Dolce & Gabbana” në një marrëveshje ekskluzive sipas “MailOnline”.
Anëtarët e familjes Kardashian dhe Jenner janë fotografuar vazhdimisht me veshje të shtrenjta “Dolce & Gabbana” në prag të ceremonisë që do të mbahet më vonë sot në fshatin bregdetar italian të Portofino.
Influenca e yjeve të realitetit që shfaqin veshjet e markës në sfondin e rivierës italiane do t’i japë publicitet falas “Dolce & Gabbana”, e cila është goditur nga polemika vitet e fundit.
Si pjesë e marrëveshjes, të ftuarit do të transportohen nga hotelet e tyre në portin Portofino vonë këtë pasdite me një flotë prej katër skafësh klasikë prej druri, të mobiluara me aksesorë “Dolce & Gabbana”, duke përfshirë jastëkë dhe peshqirë me printime kafshësh.
Më pas, mysafirët do të duhet të ecin vetëm në një distancë të shkurtër në një tunel në një kodër aty pranë, ku do të jenë në gjendje të hyjnë në një ashensor për t’i çuar deri në kështjellën spektakolare Castello Brown ku po zhvillohet ceremonia.
Shtëpia italiane e modës ka qenë e përfshirë nga afër në organizimin e çdo aspekti të festimeve luksoze të dasmës, e cila është cilësuar si eventi i showbizit të vitit.
Stafi nga baza e kompanisë në Milano është dërguar në resort ditët e fundit për të mbikëqyrur përgatitjet dhe janë vendosur në hotelet lokale.
Kourtney dhe Travis, kanë qëndruar gjithashtu në superjahtin “Regina d’Italia”, i cili besohet se është në pronësi të Stefano Gabbana, bashkëthemeluesit të “Dolce & Gabbana”.
