Ish-zv/kryeministri dhe ish-zv/ministri i brendshëm i Shqipërisë, Bashkim Kopliku është ndarë sot nga jeta.
Ai ka humbur betejën me Covid-19, pasi ndodhej në gjendje të rëndë dhe po kurohej në spitalin e Durrësit prej disa ditësh.
Por fatkeqësisht ai nuk mundi që t’i mbijetonte betejës, duke mbyllur sytë mbrëmjen e sotme.
Sipas Dosja.al, Kopliku u vu në intubim nga mjekët, ndërsa familja vendosi ta dërgonte për mjekim në Itali. Gjatë rrugës për në Itali, Kopliku ka ndërruar jetë në avion, duke mos mundur të përfundojë udhëtimin ku priste të përmirësohej.
Kopliku, 77 vjeç me profesion inxhinier elektronik, ka qenë dy herë deputet në parlamentin e Shqipërisë, ndërsa, që prej vitit 1997, ai u largua nga politika, por qëndroi aktiv në media dhe shtypin e shkruar.
Ai ka qenë një figurë historike e Partisë Demokratike, ndërsa ka qenë zv/kryeministër dhe ministër i brendshëm në qeverinë e parë të udhëhequr nga kjo parti pas vitit 1992.
