Megjithëse kullat me kate pa leje po lulëzojnë në mes të Tiranës dhe abuzimi është i qartë si drita e diellit, qeveria sërish mbyll sytë përpara këtyre shkeljeve.
Megjithatë, kur bëhet fjalë për një karburant pa lincencë në kryeqytet, gatishmëria për të marrë masa është e madhe!
Ishte dëmtimi i një tubi gazi që zbuloi karburantin pa leje, ngjarje që mobiloi Policinë e Tiranës për arrestimin e tre personave të përfshirë.
Njoftimi i Policisë së Tiranës:
Shkelën rregullat mbi lëndët plasëse dhe djegëse, dhe si pasojë u dëmtua një tub i cili shkaktoi rrjedhje gazi, në një karburant, vihen në pranga administratori, menaxheri dhe një punonjës.
Specialistët për Hetimin e Krimeve të Komisariatit të Policisë Nr. 4 arrestuan shtetasit A. Ç., 58 vjeç, (administrator në një subjekt), Xh. R., 38 vjeç, (menaxher i subjektit), dhe M. H., 54 vjeç, (shofer), të tre banues në Tiranë.
Shtetasi Xh. R., menaxhon një subjekt në rrugën ‘Sadik Petrela’, të palicensuar për tregtimin e hidrokarureve. Ditën e djeshme, shtetasi M. H., duke parkuar automjetin autocisternë në këtë subjekt, ka dëmtuar një tub dhe si pasojë është shkaktuar rrjedhje gazi. Shtetasi A. Ç., administrator i këtij subjekti, ka përdorur pajisje të cilat nuk plotësojnë kushtet thelbësore të sigurisë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
Ndërkohë që lali Erit të bashkisë “i bën përshtypje” karburanti pa licencë, duket se syri s’ia zë katet pa leje të kullave të larta që kanë zënë kryeqytetin.
Epo, duket se për shkak të numrit të lartë të dosjeve që ai ka, do të jetë klienti më i lodhshëm i SPAK…
