Nëse do të shihnit një çift duke u puthur, me siguri do të mendonit se ka diçka mes tyre. Kështu menduam edhe në kur pamë konkurrentin Niko Komani duke puthur në buzë balerinën Adel Lami në provat e spektaklit të kërcimit “Dancing With the Stars”.
Iconstyle.al ka siguruar një video nga momenti i provave në skenën e “DWTS”, ku stilisti shfaqet duke puthur në buzë balerinën. Niko Komani mban për qafe Adel Lamin dhe pas një lëvizje kërcimi e puth në buzë. Momenti intim na bëri të dyshojmë se ka diçka më shumë se thjesht kërcim mes dyshes, duke qenë se performancat mes balerinëve dhe konkurrentëve kanë përfunduar edhe në martesë, si ajo e Soni Malajt me balerinin Mirko.
Por sigurisht që në këtë rast bëhet fjalë për numrin e tyre të radhës të kërcimit për këtë të premte, i cili me sa shohim do të jetë vërtet special.
Niko Komani shfaqet me një look ndryshe, ndërsa ka rikthyer sërish flokët e tij bjondë. Ndërsa balerina Adel Lami, si gjithnjë mjaft elastike, performon me mjeshtëri.
Performancën do të mund ta shihni të plotë sonte në mbrëmje në Vizion Plus, ndërsa Iconstyle.al ju sjell vetëm një grimcë të asaj që pritet të ndodhë.
Për më tepër shihni videon e mëposhtme:
