Ndërsa akuzat për tradhtitë e Presidentit Donald Trump nuk kanë fund, një raportim i ri shkruan se, Melania Trump u nda njëherë prej tij, pasi e kapi mat me ish-in.
Në librin e ri të Ronald Kessler-it, i titulluar “The Trump White House: Changing the Rules of the Game”, shkruhet se Melania e pa ish-të dashurën e Trump, Kara Young, duke u larguar nga apartamenti i tij në “Trump Tower” dhe i dha fund gjërave.
“Kjo ndodhi disa muaj pasi ishin takuar, në shtatorin e vitit 1998. Melania do të shkonte me të në pushime me avionin e tij dhe u ngjit në apartamentin e tij në “Trump Tower”, prej të cilit doli modelja Kara Young, e cila kishte patur një lidhje me Donald-in për pothuajse 2 vite. Melania u nda menjëherë prej tij”, thotë Kessler për “Us Weekly”.
Kessler thotë se, Melania-s “nuk i interesonte” nëse po humbiste shansin për të shkuar në një resort luksoz me pushime, ajo thjesht u nda prej tij.
Sipas shkrimtarit, Trump ishte “i impresionuar” me forcën e karakterit të saj dhe ndarja nuk zgjati, pasi brenda një jave ai ia mbushi mendjen që të riktheheshin bashkë.
Presidenti është akuzuar së fundmi për marrëdhëniet me aktoren e filmave me pullë të kuqe, Stormy Daniels dhe modelen e “Playboy”, Karen McDougal.
Burimi: Cosmopolitan
