Sot është një nga këngëtaret më të njohura, por fillimet e karrierës për Bebe Rexhën nuk kanë qenë të lehta.
Këngëtarja shqiptare ka rrëfyer për herë të parë se ish-producenti i reperit Drake, e ka ngacmuar seksualisht.
Ngjarja ka ndodhur vite më parë, kur Bebe Rexha i kishte shkuar në zyrë producentit Detail. Së fundi ai po përballet me akuza për abuzim ndaj dy femrave dhe kjo e ka shtyrë Beben që të tregojë ngjarjen e frikshme në Twitter.
“Më vjen mirë që këto femra folën. Është e frikshme. Ai e provoi me mua kur isha në fillimet e mia, por unë dola me vrap nga studio”, ka shkruar Bebe për producentin Detail.
Bebe ka përgëzuar femrat që kanë folur kundër tij ndërsa shprehet se është e frikshme që të flasësh për situata të tilla.
