Sara Hoxha ka zhvilluar së fundmi një “intervistë” të shkurtër me ndjekësit e saj pas shumë kohësh. Përgjatë këtij 1 muaji ajo ka qenë e angazhuar me Poem Blu, që vogëlushes të mos i mungojë asgjë që në hapat e parë të jetës. Gjatë bisedës virtuale me ndjekësit Sara ka zbuluar shumë detaje rreth shtatzënisë së saj dhe eksperiencës si nënë.
Ajo zbuloi më në fund se si u përzgjodh emri i vogëlushes, që i ka bërë fansat mjaft kuriozë.
“Dua të shfrytëzoj rastin dhe të falenderoj personin, i cili kur kam bërë pyetjen për emër këtu në Instagram më ka sugjeruar emrin Poem. Nuk e mbaj mend kush ka qenë dhe më vjen keq për këtë gjë, por gjithsesi nëse e lexon këtë të falenderoj nga zemra”, ka treguar Sara.
Ajo ka zbuluar se gjatë shtatzënisë ka shtuar 23-24 kilogramë dhe se nuk ka pasur asnjë lloj shqetësimi përveç dhimbje mesi dhe fryrje të këmbëve pas muajit të shtatë të pritjes së ëmbël.
Ndërkohë një ndjekës e ka pyetur Sarën se kur do e bëjnë Poemën me vëlla dhe Sara i ka kthyer një përgjigje epike.
“Po prit një herë të harrojmë traumat e lindjes së parë se është akoma herët dhe ta shijojmë dhe pak Poem mirë e mirë”, është shprehur partnerja e Ledrit.
Ajo ka treguar se nuk do të donte që ndjekësit e saj t’i bënin pyetje shumë private dhe se kujt i ngjan më shumë e vogla, sepse i duket pyetje kot.
