Këngëtarja Olta Boka është tepër e lidhur me të atin, Reshit Bokën dhe këtë s’ngurron të na e tregojë në rrjete sociale sa herë i jepet mundësia.
Sot, idhulli i saj feston ditëlindjen, ndaj Olta zgjodhi fjalët më të veçanta për të uruar babain e saj, me një portret shumë të këndshëm familjar.
“Plaksh malet o @reshitboka
Zoti me dha fat qe kur vendosi te isha bija jote! Lutem te kesh shendet e jete te gjate dhe mos te mungoje kurre buzeqeshja! Ne kemi qene perhere bashke e keshtu qofshim deri ne fund!
Gezuar ditelindjen idhullit, shembullit, modelit tim te femijerise! Je unik!”- ka shkruar këngëtarja, krenare pafund për të atin.
View this post on Instagram
Prej 8 muajsh, Olta Boka po shijon ndjesinë më të bukur në botë, atë të qenurit nënë. Në muajin korrik, ajo solli në jetë Gaian, vajzën e saj të parë.
Këngëtarja nuk i kursen fotot e videot me të voglën e saj në rrjete sociale (ku i fsheh portretin) dhe sigurisht ndan këshilla me ndjekëset e saj nëna, ose që do bëhen nëna.
Pak ditë më parë, e vogla e saj mbushi 8 muaj që ka ardhur në jetë, ndaj këngëtarja e festoi në mënyrën më të bukur, duke ia bërë qejfin edhe gjyshit të Gaias nga ana e babit.
Olta i përgatiti të bijës një tortë të veçantë, e cila nderonte gjyshin e Gaias dhe vjehrrin e Oltës, Shezai Rrokajn, i cili ka shkruar librin e Abetares. Ndaj edhe torta ishte bërë me kopertinën e këtij libri.
“8 mujorin e festuam me tortën më speciale, në nder të njërit prej autorëve të Abetares, të cilin Gaia ka fatin ta ketë gjysh.”- shkruan Olta krahas videos.
