Holta Dulaku është një ndër producentet më të suksesshme në Shqipëri, por gjithashtu edhe bashkëshortja e njërit nga pronarët e televizionit “Vizion Plus”.
Një nga lajmet më të bujshme në këtë televizion, ishte edhe largimi i moderatorit Turjan Hysko drejt televizionit “Klan”. Por si e komenton këtë largim Holta Dulaku?
E ftuar në një intervistë në “NRG Radio”, producentja e “Vizion Plus” tha se: “E para njëherë është akoma në 2XL. Çfarë doni të them për Turin? Turi është një djalë fantastik, ka bagazh, është i prerë për televizion, është djalë i mençur, shumë simpatik dhe i uroj të gjitha të mirat.”
Por a ka pasur debate mes drejtuesve të “Vizion Plus” dhe Turit, për largimin e këtij të fundit?
“Jo, nuk është rasti. Turi është rritur në Vizion. I ka dhënë shumë, ashtu siç ka marrë, kështu që derën e ka të hapur dhe mënyra e lëvizjes ishte korrekte.”- tregoi Holta Dylaku.
