Propozimi për martesë është një ndër momentet më magjike në jetën e një çifti! Nëse përgjigja e partneres është pozitive, atëhërë për ta nis një etapë e re e marrëdhënies së tyre, plot me dashuri dhe përgjegjësi. Fatlumja e rradhës është supermodelja e “Victoria’s Secret” Josephine Skriver, e cila ka përjetuar propozimin që të themi të drejtën edhe në filmat më romantikë nuk e kemi parë.
Përmes një postimi në “Instagram”, Skriver zbulon sesi partneri i saj, këngëtari Alexander DeLeon e kishte propozuar në Finlandë duke kthyer realitet ëndrrën e supermodeles.
“Thashë PO! Jam fejuar! Ishte një natë e ftohtë nëntori. Me Alex udhëtuam me makinë deri në Finlandë për të parë Dritat Veriore. Ishte dëshira e dytë që plotësova nga lista e gjatë në të njëjtën javë që notova me Orcas (i përkasin familjes së delfinëve), kafshët e mia të preferuara në habitatin e tyre natyral. Nuk e dija aspak se shumë shpejt do të më plotësohej edhe dëshira e tretë. Ai kishte bërë gati një zjarr të madh pranë liqenit të ngrirë në Skandinavi me hënën e plotë që shkëlqente pas nesh dhe kakao të nxehtë që na mbante sa më ngrohtë? Pra, është ai i çmendur?” – shkruan supermodelja.
Magjia vijon! Supermodelja e “Victoria’s Secret” e vijon rrëfimin duke treguar hap pas hapi sesi partneri u ul në gjunjë dhe i kërkoi të jetë bashkëshortja e tij.
“Ishte hënë e plotë. Ishte data 23, numri im me fat… në të njëjtën kohë, në këtë ditë ai publikoi këngën e tij të parë që shkroi për mua, “Aurora Borealis”. Ndonjëherë universi vendos të na lërë pa fjalë. Bohnes më shikon në sy, ulet në një gjunjë dhe më kërkoi që të jem përjetësia e tij. Nuk kam qënë kurrë më e sigurtë se kjo gjë në jetën time. Ti je aventura ime më e madhe. Ti je përralla e kthyer në realitet. Shpirti im binjak. Dashuria e jetës sime. Sigurisht, që do të them PO përgjithmonë” – tha supermodelja e “Victoria’s Secret” Josephine Skriver.
Josephine dhe Alex u lidhën në vitin 2013.
Supermodelja është nga Danimarka dhe nisi të merrej me modeling në moshën 15-vjeçare. Në vitin 2013, ajo mori pjesë në sfilatat e Valentino-s, DKNY si dhe Calvin Klein. Ndërsa në 2016-tën, u bë modele e “Victoria’s Secret”. Nëna e saj është lezbike dhe i ati homoseksual. Skriver dhe vëllai i saj Oliver, erdhën në jetë përmes fertilizimit in vitro.
View this post on Instagram
Happy #subskriver day! So grateful for everything !! Wouldn’t be able to do this without you ❤️❤️❤️
