Gati një muaj pas dasmës me partnerin Arbnor Pacolli, aktorja Fiona Gllavica ka bërë një rrëfim prekës në Instagramin e saj.
Në ditën e Kurban Bajramit, Fiona bëri një postim jo për të uruar por për të shkruar disa fjalë për nënën që e humbi vite më parë.
“Ishe kaq e madhe dhe humane, kaq e dashur dhe e afërt sa me ty ndaja edhe tituj shoqërie. Më mungon çdo ditë, kurrë s’kam për ta dijtë cilën herë më shumë, por gjithmonë, gjithmonë kujtimi për ty është kaq i freskët dhe kaq i dashur”, shprehet ajo.
Artistja e kujton të ndjerën dhe ditët e bukura që kaluan bashkë dhe ka një mesazh për të gjithë ata që e kanë nënën gjallë.
Fiona thotë se të gjtihë duhet ta përqafojnë nënën e tyre si të ishte hera e fundit!
“Do të doja veç një mesazh të përcjell, të gjithë ju që po më lexoni ndër rreshta, shtrëngoni në përqafim nënat çdo ditë sikur të jetë përshëndetja e fundit”, e mbyll ajo dedikimin prekës.