Pas ditëve të tëra me shifra tragjike të jetëve të humbura dhe personave të infektuar nga Covid-19, më në fund Italia ka mundur të marrë frymë.
Situata po qetësohet ndjeshëm dhe brenda 24 orëve të fundit është shënuar numri më i ulët i rasteve të reja që prej datës 10 mars.
Vendi regjistron 2,256 raste të reja, ndërsa 454 persona kanë humbur jetën për shkak të koronavirusit.
Në total, numri i jetëve të humbura ka shkuar 24,114, ndërsa 181,228 persona janë të infektuar.
2,573 prej tyre janë në gjendje shëndetësore të rënduar mirëpo lajmi i mirë është se 48,877 pacientë janë shëruar plotësisht.
Ndërkohë, në vendin tonë u konfirmuan sot 22 raste të reja, duke e çuar në 584 numrin e tyre total.
Fatkeqësisht, Covid-19 i ka marrë jetën 26 personave në Shqipëri.
