Kryeministri Edi Rama ishte dje i ftuar në emisionin “Studio e hapur” dhe u përlot teksa po fliste për djalin e tij të madh. Akuzat e ish-kryeministrit Sali Berisha mbi atësinë e djalit të tij të madh, Gregut, i biri nuk i kishte përjetuar mirë emocionalisht.
Me sytë e përlotur Rama tregoi se pas akuzave të Berishës për atësinë e kishte gjetur djalin të fshehur poshtë krevatit të tmerruar.
“Kam parasysh djalin tim, që kur ishte fëmijë, kur dola në fushatë elektorale dhe ky (Berisha në ekran) tha që ka akuzuar babin e vet për atësinë e të birit. Kam parë djalin tim të tmerruar, që nuk dilte nga poshtë krevatit. Akuzat…overdozë, overdozë. Do t’i shkojë deri në fund kësaj pune, sepse unë e dua Shqipërinë. Unë nuk iu ndahem këtyre deri sa njerëzit të më besojnë”, u shpreh kryeministri Rama.
Ndërkohë moderatorja Eni Vasili u bë kurioze për këtë fakt që e përloti kryeministrin dhe e pyeti më tej se a e kishte biseduar me Gregun më pas këtë çështje.
“S’kam pasur kohë sepse kanë vazhduar të tjera, e të tjera. Thjesht janë vetëm sakrifica dhe as nuk i qahem njeriu dhe s’ia kërkoj njeriu. Po ju them pse jam unë këtu. Është e pamundur që ky vend të bëhet normal. Mos ki frikë, shife se ai të do ty”, iu drejtua Rama Eni Vasilit që moderatorja të shihte foton e Berishës në sfond.
Eni e ngacmoi edhe për Zahon, se a po bën ai përpjekje për ta ruajtur nga akuzat që vijnë nga kolegët e tij politikanë.
“Ç’hyn Zaho këtu? Lëre atë se i del gogoli pastaj”, iu përgjigj Rama me ironi moderatores.
