Për shumë prej nesh, për të mos thënë për të gjithë, larja e flokëve është një rutinë mjaft standarde: Shampo, shpëlarje me ujë, balsam, shpëlarje sërish dhe kaq.
Megjithatë, sipas ekspertëve, ne paskemi vepruar gabim deri më tani.
Përdorimi i balsamit para se të aplikoni shampon, është një mënyrë fantastike për të siguruar që flokët tuaj të qëndrojnë të ushqyer për më gjatë.
Përdorimi i një sasie të tepërt të balsamit, mund t’ju bëjë të ndiheni sikur flokët po ju rëndojnë shumë. Kjo është arsyeja pse shumë njerëz tani po përpiqen të mbështesin teknikën e kundërt të larjes së kokës, si një mënyrë për të ulur peshën e flokëve duke i dhënë edhe ushqimin që i nevojitet.
Gianna, një blogere që njihet me emrin Nouveau Champ, vendosi të provojë metodën e re të larjes së flokëve për të përcaktuar një herë e përgjithmonë nëse ishte aq e efektshme sa kishte dëgjuar.
“Flokët e mi ndihen më mirë pasi thahen”, konkludoi ajo.
Disa marka të kujdesit për flokët tani po e rekomandojnë këtë qasje si një mënyrë të suksesshme për të zhdukur lagështinë e flokëve tuaj.
Burimi: The Independent
