Është zbuluar emri i personit të katërt që ndodhej në tavolinë, natën që u përdhunua 26-vjeçarja nga Vlora.
Ky informacion është bërë me dije nga “Zëri.ai”. Me Albi Cenon, Oltjan Tahirin, Gentian Mehmetin në tavolinë ka qenë edhe Viljon Kapaj. Ky i fundit, njësoj si Mehmeti është shpallur në kërkim nga Policia e Shtetit dhe ende nuk është vendosur në pranga.
Ndërkohë që sot, dëshmia e 26-vjeçares i dha njëherë e mirë fund diskutimeve se a pati abuzim seksual me të, mbrëmjen e të shtunës në bar-hotel-restorantin në Vlorë. Kjo e fundit për herë të parë foli duke konfirmuar se me të është abuzuar seksualisht.
Vajza 26-vjeçare tregoi se është kërcënuar nga familja e Albi Cenos, njërit prej djemve të arrestuar. Viktima tregoi se e ëma i ka kërkuar të ndryshojë dëshminë dhe të shfajësojë të birin, në të kundërt do të përballet me rrezikun që i kanoset nga shokët e tij që janë jashtë burgut. Por deri më tani për këtë çështje nuk ka asnjë procedim të ri penal.
