Disa prej yjeve botërorë u ka ndodhur të përballen me ish- të dashurit dhe shumica e këtyre rasteve i kemi parë live në televizion. Le t’i kujtojmë në këtë artikull disa prej momenteve më të sikletshme që kanë bërë bujë për një kohë të gjatë.
Bella Hadid dhe The Weeknd
Bella Hadid ishte duke parakaluar në një nga sfilatat më të rëndësishme të jetës së saj ndërkohë që The Weeknd ishte thirrur për të kënduar pikërisht në atë moment. Ky takim ishte shumë i rastësishëm dhe pas tij u frymëzuan shumë media për të nxjerrë lajme rreth këtij moment, që në fakt për një pjesë të mirë të rrjetit u kthye edhe në meme. Të paktën Bella dukej shkëlqyer kur i ndodhi ky çast delikat.
Ed Sheeran dhe Ellie Goulding
Ed Sheeran sapo kishte lançuar një këngë ku fliste për një dashuri të humbur, por të cilën mes dhembjesh tashmë e kishte hedhur pas krahëve. Kënga doli në treg fiks pas dy muajsh kur Ed Sheeran i kishte dhënë fund lidhjes me Ellie Goulding dhe në një ceremoni ku vlerësohej pikërisht për këtë këngë… ups, Goulding doli përpara dhe ata patën një kryqëzim shikimesh.
Miranda Kerr dhe Orlando Bloom
Hmm po sikur ish-i juaj t’ju puthë në faqe e t’ju thotë se dukeni shumë e bukur, në kamera, përpara gjithë botës? Epo, i ndodhi Miranda-s në mes të tapetit të kuq të “Oscar”-s dhe ajo nuk dinte të qeshte nga sikleti apo të vazhdonte intervistën që sigurisht nuk do ishte më e njëjta pas atij momenti.
Taylor Swift dhe Harry Styles
Taylor Swift ishte e detyruar të falënderonte publikisht ish-të dashurin e saj Harry Styles në 2013-n për frymëzimin që i dha asaj në këngën “I Knew You Were Trouble”. Kur ajo lançoi këngën ishte ende në lidhje me Harry-n por kur mori çmimin jo, kështu që, donte apo nuk donte, ishte e destinuar ta kalonte këtë siklet publikisht teksa ky i fundit buzëqeshte nga salla e publikut.
Blac Chyna, Tyga, Kylie Jenner
Ok, ky është rasti më i çuditshëm në botë. Tyga dhe Blac Chyna kanë qenë të dashuruar dhe kanë edhe një djalë së bashku. Lidhja e tyre nuk eci gjatë ndaj dhe Tyga më vonë u lidh me Kylie-n. Deri këtu gjithçka në rregull. Por në momentin që Blac Chyna u dashurua me Rob Kardashian, vëllain e Kylie-t dhe bashkë kanë tashmë edhe një fëmijë, gjërat u komplikuan shumë. Të paktën Kylie ka hequr dorë një herë e përgjithmonë nga Tyga tashmë dhe e ka zgjidhur këtë trekëndësh të vështirë ish-ash.
