Pas rikthimit në “Top Channel” të Monika Stafës, një tjetër lajm bëri bujë. “Prive” raportoi pak kohë më parë se Beti Njuma, po mendon largimin në televizionin “Ora News”, pikërisht për shkak të mosmarrëveshjeve që ka me ish-kolegen e saj që prej vitit 2012.
Por si ndodhi përplasja publike mes tyre?
Dy koleget komunikonin shpesh në postimet e njëra- tjetrës në faqet e tyre personale ne Facebook dhe mes tyre kishte dukshëm një marrëdhënie të mirë.
Por pas një shkrimi të Monikës më 9 gusht 2012, me temë “Libri, lexuesi dhe mediat ne mes”, gjithçka ndryshoi mes saj dhe Njumës, e cila në atë kohë ishte pjesë e rubrikës “Vitrina e librit” për promovimin e librave.
“Fati i promovimit të vlerave të letërsisë ka mbetur në duart e gazetarëve të rubrikave kulturore, të cilët, me gjithë vlerësimet që meritojnë, në mos për tjetër për kohën që u kushtojnë autorëve duke i intervistuar pa i lexuar librat e tyre, duhet thënë se nuk janë pjesa me e kualifikuar e gazetarisë shqiptare…”, shprehej Monika në shkrimin e saj.
Menjëherë pas këtij shkrimi erdhi dhe reagimi publik i Beti Njumës, e cila shkruante se e gjitha kjo nuk është korrekte dhe e ndershme. Ajo i kujtoi Stafës edhe një mosmarrëveshje tjetër që ajo ka pasur dikur me kolegun Marin Mema, si dhe sakrificën e lodhjen me të cilën gazetarët bëjnë punën e tyre dhe e këshilloi atë që tjetër herë tjetër të jetë më e kujdesshme.
Sipas shkrimeve të mediave në atë kohë, duket se Beti Njuma nuk ka dashur ta lërë reagimin e saj thjesht me një shënim në wall-in e Monika Stafës, të cilin kjo e fundit e fshiu rreth dy ditë më vonë.
Njuma thuhet se kishte përgatitur një kundërpërgjigje për Stafën, për ta publikuar pak ditë më vonë në gazetën “Shqip”, por që nuk është lejuar nga drejtuesit, pasi rrezikohej prishja e imazhit të televizionit.
Burimi: Iconstyle.al
