Nëse kaluat mesditën e kësaj të hëne në sheshin “Nënë Tereza” mund të keni mbetur të shtangur. Zhurmat e qitjes me armë, gëzhojat, tymi, makinat dhe helikopterët ushtarakë tërhoqën vëmendjen e kalimtarëve.
Qindra ushtarë ishin mbledhur përballë universitetit dhe në video duket momenti kur qëllonin me armë.
Çfarë po ndodh në të vërtetë? Mbi 1.000 trupa ushtarakë së bashku me mjete zbarkuan në sheshin “Nënë Tereza”, ku po demonstrojnë disa veprime, si dhe po ekspozohen mjetet, pajisjet dhe armatimet e përdorura.
Në videon e siguruar nga “iconstyle.al” shihet si personat e veshur me uniformën ushtarake qëndrojnë të ulur në gjunjë dhe qëllojnë me armë.
Prej një jave, 80 efektivë dhe 4 anije të Forcës Detare shqiptare janë angazhuar në Stërvitjen e Përbashkët “Albanian Lion 2018”. Stërvitja po zhvillohet në vendin tonë me pjesëmarrjen e forcave ushtarake nga Britania e Madhe, Kroacia, Kosova dhe Shqipëria.
Qytetarët kureshtarë ndaluan për ta regjistruar me telefon të gjithë skenën:
