Pas takimit të parë me dikë, në mendjen tonë formohet një pikëpyetje e madhe, e cila ka të bëjë me faktin nëse personi që takuam kërkon lidhje serioze apo dëshiron diçka kalimtare?
Njëra nga shenjat e horoskopit e ka fituar me meritë titullin “besnik i përjetshëm”, pasi për të dashuria nuk është diçka e thjeshtë dhe sigurisht, diçka sipërfaqësore që do të zgjasë vetëm disa ditë ose në disa raste më ekstreme, vetëm orë.
Ndaj, nëse edhe ju kërkoni të gjeni personin e duhur që do t’ju japë një ndjenjë të fortë, do t’ju dojë me gjithë zemër dhe do të japë pa pasur frikë, filloni t’i drejtoheni personave që i përkasin shenjës së Akrepit. Po po, siç e lexuat! Akrepi është një nga shenjat më besnike të horoskopit, që i pëlqen të ndërtojë marrëdhënie të qëndrueshme dhe nuk është një mbështetës i madh i ndryshimeve. Mbron besimin në çdo mundësi, ndershmërinë dhe pasionin.
Pra, nëse bie në dashuri me ju, do t’ju vendosë përgjithmonë në jetën e tij dhe nuk do t’ju tradhtojë kurrë. Një akrep do të bëjë gjithçka për të arritur atë që po ndërtoni ju të dy, qoftë një lidhje apo martesë. Në këtë rast, “përgjithmonë” merr kuptim.
