Dita e sotme ka nisur me lajmin më të bukur pas kaq shumë ditëve të vështira për të gjithë ne.
Mjeku i njohur Tritan Kalo shkruan në rrjetin social Facebook se në datën 8 maj është shënuar 24 orëshi i parë që prej 8 marsit të vitit të kaluar, që në shërbimin e Urgjencës së Infektivit nuk është paraqitur asnjë i sëmurë me koronavirus.
Sipas mjekut, është ende herët për të folur me siguri për fitoren ndaj kësaj “flame mbarëbotërore”, megjithatë ai nuk lë pa kujtuar që ende qytetarët duhet të jenë të ndërgjegjshëm dhe të respektojnë masat e rregullat e vendosura për të shmangur infektimin me koronavirus.
Nuk dihet nëse kjo ka ndodhur si pasojë e vaksinimeve, nëse kemi arritur imunitetin e tufës apo për shkak të ngritjes së temperaturave, megjithatë ky është lajmi më i bukur që mund të merrnim, ndaj shpresojmë të mos kemi më rritje.
POSTIMI I PLOTE
Kohë kovidiane…. 8.05.2021…. Njëzet e katër orëshi i parë pas datës 8.03.2020 që në Shërbimin e Urgjencës së Sëmundjeve Infektive në QSUT, nuk është paraqitur asnjë i sëmurë me Covid-19….
E fituam këtë betejë me “flamën mbarëbotërore”, Pandeminë nga Sars-Cov2/Covid-19…..
SHPEJT për të folur me siguri, POR kryesorja është se jemi në udhë të mbarë për të dalë nga tyneli i gjatë, ku po ecim prej 14 muajsh që nga mbrëmja e 8-9 Marsit 2020….
Kemi ende plot të sëmurë në gjëndje të rëndë në mjediset spitalore, po ashtu dhe jo pak të sëmurë që mjekohen në banesat e tyre….
Kemi humbur qindra e mijra të afërt, miq e shokë…. Kemi kaluar e po kalojmë momente shumë të trishta, por NE nuk jemi dorëzuar…Vetëndërgjegjësimi dhe vetëkujdesja KURRË të mos na zbehet dhe të na mungojë edhe pas sodit…MHD ( Maskat, higjiena personale dhe kolektive, Distancimi fizik) mbeten shumë të efektshme në këtë betejë me armikun e padukshëm….
VAKSINIMI po na ndihmon që të dalim sa më shpejt nga ky tynel, ndaj për asnjë dekikë mos ngurroni të vaksinoheni ndaj infeksionit Sars-Cov2/Covid-19….
Mëndjeçarturit e gojështhururit kundër aplikimit të vaksinës kurrë nuk do të mbyllen, por nga shekujt populli na rikujton se :”Një gur hedh budallai në lumë, e duhen 1000 të mënçur për ta gjetur e nxjerë atë nga ai”…..
Duajeni dhe respektojeni sa më shumë veten si dhe ata që gjallojnë rreth jush…. NE, mantelbardhët dhe stafi mjekësor jemi kurdoherë këtu në vijën e parë për t’u kujdesur dhe ndihmuar në përballjen tuaj me virusin jetëlëndues dhe jetëmarrës të Sars-Cov2/Covid-19….
Koha po punon për Ne, që edhe me kujdesin e pamunguar ndaj vetvetes, të mundemi t’i gëzojmë sa më mirë bukuritë e këtyre viseve të së bekuarës Nënëlokes Shqipëri….Together forever!!!
