Në një kohë kur virusi po rrit gjithnjë e më shumë rrezikun për jetën e qytetarëve, duket se kjo nuk është një arsye për ndalimin e tubimeve. Bota po shqetësohet për variantin e ri të Covid-19, Omicron, shumë vende po mbyllen sërish, mirëpo në Shqipëri s’i bën përshtypje askujt.
Madje, si shembuj që ndiqen, zyrtarët e vendit tonë i mbështesin këto grumbullime nëpërmjet postimeve të tyre në rrjete sociale dhe gjithashtu duke qenë vetë prezentë.
Vendosja e gjobave për shkeljen e rregullave të Komitetit jo vetëm që është harruar, por vazhdon të bëhet një sy qorr e një vesh shurdh për bizneset që kanë futur ‘mik’ tek qeveria, të cilat qëndrojnë hapur jashtë orarit të lejuar.
Për çfarë vlen shteti dhe organet e tij, kur vazhdon të mos merret asnjë masë? Rregullat anti-Covid vazhdojnë të jenë aktive dhe të mos zbatohen nga të gjithë. Madje, pikërisht këto rregulla i ‘bien në qafë’ disa aktiviteteve, teksa favorizojnë aktivitete të tjera.
Duke e nisur nga fundi, mbrëmjen e kaluar (20 dhjetor) u mbajt protesta e Sali Berishës, i cili mblodhi në Tiranë mbështetësit e tij që nuk zbatuan as edhe një rregull anti-Covid. (kur ndërkohë nuk lejohet grumbullimi i më shumë se 50 personave).
Pa maska, pa distancim social, një pjesë të pavaksinuar ose pa kryer teste për të ditur gjendjen e tyre, ata qëndruan pranë njëri-tjetrit duke thërritur me të madhe për Berishën e duke ia transmetuar kështu fare lehtë virusin njëri-tjetrit.
View this post on Instagram
Mbledhja e Kuvendit të tij më 11 dhjetor me 4935 delegatë ishte po ashtu thyerje e çdo rregulli.
Po ashtu ishte edhe mbledhja e Kuvendit të Lulzim Bashës me 5004 delegatë, më 18 dhjetor.
Kryebashkiaku Erion Veliaj theu për të disatën herë rregullat e distancimit social, kur pjesëmarrja duhet të ishte me kapacitet të reduktuar deri në 30% për shkak të virusit. Ai mblodhi fëmijë e të rritur më datën 4 dhjetor, për të ndezur dritat e pemës në kryeqytet.
Pamjet flasin vetë:
View this post on Instagram
Po ashtu, Veliaj promovoi eventin e “Natës së Bardhë” në Tiranë, që u mbajt më 30 nëntor.
“Penda 2021” u zhvillua në gjashtë vende të ndryshme brenda Tiranës, duke mbledhur njerëz jashtë kapacitetit të lejuar për tubimet, siç mund ta shihni edhe vetë në pamjet e mëposhtme:
Televizioni “Top Channel”, me rastin e 20-vjetorit të tij organizoi një festë gjigante në një prej club-eve të Tiranës duke mbledhur njerëz jashtë çdo kapaciteti të lejuar.
Siç u dallua qartë nga pamjet, personazhet e njohur dhe punonjësit e televizionit festuan shumë pranë njëri-tjetrit pa zbatuar asnjë rregull, teksa asnjë nuk u gjobit për këtë shkelje.
View this post on Instagram
View this post on Instagram
Në muajin shtator, Ministri Blendi Klosi promovonte festivalin në Borsh, i cili po ashtu mblodhi një numër të lartë njerëzish pavarësisht masave anti-Covid.
““South Outdoor Festival, kthen Borshin në skenën gjigande të festës✅. Për tre ditë rradhazi, aktivitete në natyrë? e në ujë, për të gjitha grupmoshat, ku çdo i apasionuar pas sporteve pati mundësinë të gjejë argëtimin dhe rekreacionin. South Outdoor, një festival turistik, që ngjiti në skenë këngëtarë shqiptarë që dinë të mbajnë peshë të rinjtë e jo vetëm, sikur riktheu në Shqipëri për nostalgjinë e të gjithëve një grup aq të dashur si NANA. Giz Albania?, një partner i pazëvendësueshëm që përpos të tjerave, kontribuon edhe në krijimin e konsolidimin e produkteve turistike si festivalet, duke e shndërruar South OutDoor në një markë të qëndrueshme turistike! ?GIZ #SRD #smilealbania???”, ka shkruar Blendi krahas pamjeve të publikuara edhe në llogarinë e tij.
Në gusht, kompania Vodafone ndër shkelje të tjera, shkelte sërish rregullat me një festival të organizuar në Sarandë ku po ashtu askush nuk u kujdes të zbatonte rregullat.
View this post on Instagram
Po ashtu përmendim këtu edhe Kryetarin e Bashkisë së Beratit, Ervin Demon, i cili ka lejuar dhe promovuar çdo natë në Berat evente ku numri i personave të mbledhur i thyen rregullat.
Kur do t’i vendosë shteti në funksion organet e tij?
/Iconstyle
