Leonard Bombaj dhe bashkëshortja e tij Esmeralda Blaceri ishin të ftuar dje në emisionin “Rudina” ku folën për të kaluarën e tyre, karrierën dhe planet e tyre për të ardhmen.
Regjisori Bombaj si mik i ngushtë i familjes Lalo shprehu edhe një herë ngushëllimet për familjen e kompozitorit të nderuar. Ai tregoi se mungesën e Lalos në familjen e tij e ndjente më shumë bashkëshortja “Marga”, të cilës i kishte ngelur edhe një peng.
“Vdekja e papritur e bashkëshortit i ka lënë Margës një peng të madh, faktin që nuk ja tha asnjëherë Lalos se sa shumë e donte”: tha Leonardi.
Kompozitori e ka treguar gjithmonë përkushtimin e madh që ai kishte ndaj familjes së tij.
“Ai ma thoshte çdo ditë se sa shumë më donte, ndërsa unë jo”: i kishte rrëfyer Marga Leonardit.
