Dua Lipa uroi të gjithë shqiptarët anembanë botës për festën e Pavarësisë, përmes disa fotove ku shfaqej me të dashurin e saj Isaac Carew gjatë koncertit në Prishtinë, që u mbajt në muajin gusht. Të gjithë e duartrokitëm faktin se Dua i tregoi flamurin shqiptar 22.1 milionë ndjekësve të saj në “Instagram” madje uroi në gjuhën shqipe.
Ama çudinë më të madhe e përjetuam disa orë më vonë, kur partneri i saj Isaac Carew do të zbulonte se ka mësuar jo vetëm të flasë shqip, por ta shkruajë qartë, pastër dhe pa asnjë gabim drejtshkrimor.
Këtë sekret e mësuam falë DJ Diplo, i cili shkruante në gjuhën angleze: “Isaac, shqiptari krenar”.
Nuk do të vononte shumë që i dashuri i Dua Lipës të përgjigjej në gjuhën SHQIPE: “A mund ta përsërisni ju lutem?”
Ehhh, nuk e fshehim dot, e duam këtë djalë!
