Olsi Bylyku nis në muajin tetor një rrugëtim të ri të karrierës së tij si aktor, tanimë në televizionin “Klan”. Me Erion Isain dhe Bes Kallakun, ata do të sjellin rubrikën “B.E Caffe” çdo të dielë.
I ftuar në emisionin “Trokit”, “Kimikati” tregoi se nuk është penduar se u largua nga “Portokallia”, pasi artistët janë si futbollistët i blen një skuadër pastaj një tjetër. Moderatori e ngacmoi aktorin edhe për ofertën që e joshi, për të kapërcyer në “Klan” dhe ai foli hapur për pagën.
“Nuk jam më i shtrenjtë sesa në Top. Jam aty-aty. Kam shkuar afërsisht me të njëjtën pagesë që kisha në Top. Nuk kam shkuar me një blerje të madhe. Nuk ka qenë kusht pagesa. Unë, Besi dhe Erioni kemi një punë që e bëjmë për të mirën e emisionit. Ndikimi monetar nuk ka qenë absolutisht fare. Ne thjesht kemi dashur të punojmë të tre. As unë, as Besi as Erioni nuk kemi pagesa marramendëse”, – u shpreh aktori Olsi Bylyku.
