Gjithmonë janë përfolur për një lidhje mes tyre por askush nuk e pohonte një gjë të tillë. U desh një deklaratë dashurie e Drake për Rihanna-n në MTV Music Awards 2016, që të nisin sërish thashethemet mbi ata të dy.
Por tashmë kur flasim për çiftin Drake-Rihanna, nuk mund t’iu referohemi më thashethemeve. Ata janë lidhur prej disa kohësh dhe këtë gjë e kanë mbajtur të fshehur. Kështu thotë revista “People”, e cila citon burimet e saj kur shkruan se, “çifti ka pasur ulje dhe ngritje, por Drake ka qenë gjithmonë mbështetësi më i madh i Rihanna-s”.
Duke i dorëzuar çmimin “Vanguard Video”, Drake zbuloi se Rihanna “është dikush me të cilën ai ka rënë në dashuri që kur ka qenë 22 vjeç“. Ai madje e përqafoi atë dhe i dha një puthje të shkurtër, para se të gjithë fansat e tyre të brohorisnin në skenë.
Burimet për revistën “People” shtojnë gjithashtu se Rihanna, 28 vjeç, nuk është “tipi i femrave që Drake ka pasur zakonisht”, ndaj reperi 29-vjeçar duket se ka rënë kokë e këmbë me këngëtaren.
“Ata kanë kohë që janë lidhur në fshehtësi dhe janë shumë të lumtur së bashku”, thotë burimi. “Rihanna është vajza më e bukur me të cilën Drake ka qenë ndonjëherë dhe ai e trajton atë si një princeshë”.
Burimi: People
