Ndërkohë që i dorëzonte çmimin e “Michael Jackson Video Vanguard”, reperi Drake e shpalli publikisht dashurinë e tij për këngëtaren Rihanna në MTV Music Awards.
29-vjeçari, i cili ka qenë i lidhur me Rihanna-n, tha se ai ka rënë në dashuri me të që në moshën 22-vjeçare.
“Ajo është dikush me të cilën unë kam rënë në dashuri që kur kam qenë 22 vjeç”, u shpreh Drake ndërsa pranoi se Rihanna për të është një ndër mikeshat e tij më të ngushta.
Shfaqja e Drake në skenën e MTV Video Music Awards në Nju Jork shkaktoi spekulime në mesin e spektatorëve, të cilët në të vërtetë menduan se ai do t’i propozonte asaj kur i dorëzoi çmimin.
“Ajo është një nga mikeshat e mia më të mira në botë”, shtoi Drake në fjalën e tij. “Gjithë jetën time unë e kam parë atë, edhe pse është më e vogël se unë”.
“Ajo është një legjendë që jeton në industrinë tonë, zonja dhe zotërinj, fituesja e Çmimit Vanguard për 2016-n, Rihanna”.
Por teksa Drake u afrua për t’i dhënë një puthje, Rihanna në dukje e emocionuar, i zgjati faqen dhe ai e puthi në qafë.
Por puthja nuk zgjati shumë, pasi Drake u tërhoq disa sekonda para se Rihanna të mbante një fjalim prekës.
‘MTV, kjo është një natë e mahnitshme, është një moment i mahnitshëm në karrierën time “, tha ajo. “Dhe kështu, ju e dini suksesin tim, ai filloi si ëndrra ime. Por tani suksesi nuk është i imi. Është i familjes sime, i fansave të mi, i vendit tim, është i Karaibeve në tërësi, është për gratë, për gratë me ngjyrë, kështu që shumë njerëz mund të ndihen si pjesë e tij dhe unë duhet t’ju falënderoj për mbështetjen pa pushim që më ofroni”, tha Rihanna.
*Shfleto galerinë
