Jo më kot ajo i ka hyrë seriozisht karrierës muzikore!
Dje “Panaroma Plus” shkruante se Luana Vjollca fiton rreth 5 mije euro në natë për një koncert që ajo zhvillon në lokalet e kryeqytetit, Kosovës dhe diasporës.
Prej disa kohësh Luana Vjollca menaxhohet nga Krenar Çoçaj që njëkohësisht është dhe i dashuri i saj, dhe moderatorja nuk po ndalet së publikuari këngë të reja.
Një ditë pasi u zbulua se fiton 5 mijë euro nga koncertet, Luana Vjollca ka reaguar me një postim në Instagram.
“Puna jote e madhe do të paguhet. Njerëzit e duhur do të shfaqen. Ëndrrat e tua do të bëhen realitet”, shkruan moderatorja.
Kjo është edhe motoja kryesore e jetës së Luanës, sipas së cilës kush punon fiton.
