Këngëtarja Morena Taraku kohët e fundit ka qenë në qendër të vëmendjes mediatike, jo vetëm për lidhjen e saj me miliarderin e njohur nga Teherani, Sasha Sobhani, por edhe për publikimin e këngës së saj më të re. Vetëm pak ditë më parë ajo publikoi këngën “Femnat”, e cila pritet të shndërrohet në një hit veror.
Ndërkohë që u shfaq më e lumtur se kurrë në krahët e të dashurit miliarder dhe tepër entuziaste për suksesin e këngës së saj të re, Morena i ka befasuar të gjithë fansat me një foto të postuar në Instastory. Këngëtarja simpatike ka publikuar një foto ku shihet se ka përfunduar në spital.
Morena shfaqet në këtë foto duke marrë serum, ndërsa fansat e saj janë merakosur për shëndetin e këngëtares.
Ende nuk është bërë e ditur arsyeja se përse ka përfunduar në spital Morena, ndërsa fansat kanë filluar të hamendësojnë se me siguri në gjendjen e saj shëndetësore ka ndikuar puna e madhe për këngën e re, dhe natyrisht edhe i nxehti i këtyre ditëve.
