Dua Lipa u pa duke u puthur me këngëtarin Chris Martin në festivalin e Glastonbury-t, pak ditë pasi mediat festuan çiftin e ri Dua Lipa dhe Anwar Hadid- vëllai i supermodeleve Gigi dhe Bella Hadid.
Pas shpërndarjes së fotove gjithandej nëpër rrjet, Dua Lipa publikoi në Instagram foto nga momentet gjatë festivalit duke shkruajtur:
“Unë teksa tregoj me gisht toruan e cila vendosi të më linte dje pasdite. Nëse e gjen kush, shpërblimi është i majmë.”
Vokalisti i Coldplay-t, Chris Martin, i cili s’ka pak që është ndarë nga ylli i “50 hijet e Greit”, Dakota Johnson, mohoi zërat se mund të ketë një romancë mes tij dhe Duas përmes zëdhënësve për “Mirror Online”, duke u shprehur se janë “vetëm shokë”.
Javën e kaluar, “IconStyle” publikoi videon ku shfaqej Dua Lipa në shoqërinë e Anwar Hadid, modeli me të cilin përflitet se këngëtarja shqiptare ka nisur një lidhje.
Ende pa një konfirmim zyrtar nga ana e tyre, “IconStyle” vuri re gjithashtu se ditët e fundit, Bella Hadid nisi të ndiqte Dua Lipën në Instagram.
