Irina Jovanka, miss-i serb që u bë “fërtele” nga mediat e vendit të saj pasi bëri shqiponjën me duar, nuk ka ndërmend ta lërë me aq kontraversitetin.
Konkurrentja e “Miss Freedom of The World” që u mbajt këtë javë në Prizren ishte e ftuar bashkë me përfaqësueset e shteteve të tjera në emisionin “n’Kosovë Show”.
Jovanka guxoi akoma më shumë këtë herë, duke kënduar këngën emblematike shqiptare “Xhamadani vija- vija” dhe duke puthur flamurin e Kosovës.
Video e emisionit është hedhur në Youtube me komentet e bllokuara.
Irina Jovanka i habiti të gjithë duke folur shqip, kur e pyetur nëse e kishin mirëpritur shqiptarët u përgjigj: “Po, me respekt edhe është shumë mirë.”
Më tej, ajo u ul të puthte flamurin e Kosovës që ndodhej në mes të studios dhe këndoi “Xhamadani vija- vija”.
Videoja ku Irina Jovanka bënte shqiponjën me duar gjatë prezantimit në “Miss Freedom of the World” u komentua nga media serbe “Kurir” si diçka skandaloze, ndërsa pronarja e agjencisë së modeleve ku ishte zgjedhur përfaqësuesja e Serbisë u shpreh se zgjedhja nuk kishte qenë në dijeninë e saj dhe se gjesti i qëllimtë.
