Ditën e djeshme moderatorja Ilda Bejleri është përfshirë në një aksident, të cili si fillim refuzoi ta pranojë.
Ajo thuhet se ka përplasur me makinë një 64-vjeçare dhe pas ngjarjes nuk ka ndaluar ta shohë.
Për “iconstyle.al“, Ilda tha se lajmi është i rremë dhe nuk ka lidhje me aksidentin.
Megjithatë, pak orë më vonë pranoi ngjarjen, por tha se situata nuk ishte serioze prandaj u largua.
Pas kësaj, “Dritare.net” ka mësuar se Ilda është shoqëruar në polici pak para mesnatës së djeshme dhe ka dhënë deklaratën e saj.
Ndërkohë bëhet me dije se policia ka sekuestruar makinën e saj “X5” dhe po vërteton ngjarjen, e cila dje bëri shumë bujë.
Gruaja 64-vjeçare që pretendon se e ka aksidentuar Ilda, tregoi për “Dritare.net”, se moderatorja e hodhi 2 metra tutje pranë Drejtorisë së Policisë në Tiranë dhe as nuk ndaloi për ta parë se si ishte. Gruaja ndodhet në spitalin e Traumës, jashtë rrezikut për jetën.
