Shkon në 1361 numri i viktimave, ndërsa 60 mijë e 81 persona të tjerë janë konfirmuar të infektuar nga koronavirusi në shkallë globale.
Autoriteti shëndetësor i Hubei raportoi se 242 viktima të tjera janë shënuar nga koronavirusi në këtë provincë gjatë 24 orëve të fundit.
Ky është numri më i lartë i viktimave i shënuar në një ditë nga koronavirusi dhe bilanci është i frikshëm.
Sipas raportimeve nga mediat e huaja thuhet se nga 33 mijë e 693 pacientë të shtruar në provincën e Hubei, 1 mijë e 437 janë në gjendje kritike.
Autoriteti shëndetësor deklaron se 3441 pacientë të tjerë janë shëruar, duke u larguar nga ambientet e spitalit.
