Aktori i njohur Erion Isai tregoi sot se kandidaturën për kryetar bashkie i Ersekës, e sheh si një mundësi të mirë për të kontribuar për Kolonjën, vendin ku lindi dhe kaloi 15 vite të jetës.
Isai ishte i ftuar pasditen e sotme në “Ftesë në Pesë’ me Bieta Sulon, për të folur rreth kandidaturës së tij dhe zbuloi edhe një vendim të rëndësishëm që ka marrë me familjen.
Aktori tha se do të shpërngulet atje bashkë me familjen, duke nisur një rrugëtim të ri në jetën e tij.
“Dhe ne nesër shkojmë në qytetin tim, kam gjetur edhe shtëpinë ku do të jetojmë. Nesër do të shkoj unë, të rregulloj shtëpinë e të përgatis terrenin dhe prej ditës së hënë, bashkëshortja ime dhe vajza ime stacionohen në Ersekë”, theksoi ai.
