Majori Klodian Tanushin, i cili ra në krye të detyrës gjatë misionit të NATO në Letoni, është shpallur “Dëshmor i Atdheut”.
Në nder të major Tanushit, komandant i kontingjentit shqiptar në Letoni, ditën e enjte, më datë 16 maj 2019, do të jetë ditë zie kombëtare dhe në të gjitha institucionet publike e private, flamuri kombëtar do të ulet në gjysmështizë.
Homazhet në nder të dëshmorit të atdheut, do të zhvillohen në mjediset e Muzeut Historik Kombëtar në Tiranë, nga ora 10:00-12:00.
Më pas, po në mjediset e Muzeut, do të mbahet ceremonia shtetërore në nder major Klodian Tanushit, përpara se arkivoli i mbuluar me flamurin kombëtar të përcillet në Varrezat e Dëshmorëve.
