Mbrëmjen e kaluar, reperi i njohur Gashi ngriti në këmbë publikun në festivalin “Sunny Hill” në Prishtinë.
Të gjithë kënduan njëzëri me reperin këngët e tij të bëra tashmë hite dhe video e Gashit me Dua Lipën teksa kërcenin “Vallen e Tropojës” bëri xhiron e rrjetit.
Pak më parë, reperi ka lajmëruar në profilin e tij në Instagram se ka një surprizë të bukur për të gjithë fansat.
Vetëm një ditë pas performancës elektrizuese në “Sunny Hill”, Gashi ka lançuar këngën e tij më të re të titulluar “Never Forget”, e cila është pritur mjaft mirë nga publiku.
Kujtojmë se Gashi është kthyer në një ndër reperët më të suksesshëm në botë, karriera e të cilit është në ngjitje. Që prej fillimeve të tij, ai nuk ka ngurruar asnjëherë të tregojë origjinën shqiptare, për të cilën është shprehur se ndihet tepër krenar.
