Jo gjithçka është ashtu siç duket. Edhe përse Khloe Kardashian dhe Tristan Thompson vendosën të vazhdojnë lidhjen pas skandalit të tradhëtisë në muajin prill, “Us Weekly” raporton se çifti është më në krizë se kurrë.
“Khloe dhe Tristan nuk janë aspak mirë. Ata sillen përpara të tjerëve sikur gjithçka është në rregull, por është e gjitha një shfaqje” – shprehet burimi.
Prindërit e vogëlushes True provuan terapinë për çifte, por sipas burimeve edhe kjo nuk funksionoi.
“Tristan ndihet sikur ka ngecur në një marrëdhënie të keqe. La në mes terapinë. Ai mendon se fakti që diskuton për diçka që ka ndodhur shumë kohë më parë, nuk ndihmon aspak” – përfundoi burimi për “Us Weekly”.
Çifti është zhvendosur në Los Angeles së bashku me vogëlushen True, pranë familjes së madhe Kardashian.
