Prej disa kohësh, dy aktorët e njohur të telenovela spanjolle, Sebastian Rulli dhe Angelique Boyer, janë aluduar për faktin se po presin një fëmijë së bashku.
Mirëpo, Sebastian Rulli-t, i njohur për rolin si “Arturo”, duket se i erdhi “në majë të hundës” lajmi i shtatzënisë, ndaj i mbylli gojën njëherë e mirë të gjithëve me një deklaratë jo fort të këndshme.
Disa ditë më parë, ai publikoi në InstaStory një foto ku kishte shpërthyer lidhur me këto lajme.
” Gënjeshtër! Mos blini mbeturina”- shkruante ai.
Pas mohimit të pritjes së ëmbël, Rulli i ka dedikuar disa fjalë speciale sot partneres së tij.
Ata kanë treguar gjithmonë se janë kokë e këmbë të dashuruar dhe e mbështesin njëri-tjetrin në gjithçka.
Pak më parë, aktori i është drejtuar publikisht partneres e njohur si “Teresa” me disa fjalë të ëmbla, për ta mbështetur për projektin e saj të ri.
“Të thonë çfarë të thonë, më e bukura e dashurisë është të ndërtosh dhe të ndash gjërat me dikë dhe me vitet që kalojnë të shohësh çdo gjë që keni arritur së bashku. Të shohësh veten në sy e të thuash me këmbëngulje: Se gjithmonë ishe, je dhe do të jesh ti. Urime dashuria ime për këtë projekt të ri, që nis sot për ta regjistruar. Gjithmonë duke të admiruar, duke të mbështetur e duke shijuar talentin tënd”- janë fjalët e tij krahas fotos.
Duket se çifti po shijon ende kohën së bashku dhe s’kanë akoma plane për të sjellë në jetë një bebush.
