Pasditet e verës në perëndimin e diellit shijohen akoma më mirë me një koktej të bërë nga ju. Margarita analkolike me banane, një pije e mrekullueshme freskuese e cila ofron miksimin e duhur mes së thartës dhe ëmblës.
Përbërësit:
120 ml lëng i freskët limesh të shtrydhura
feta limesh
sheqer i imët, për gotat
kubikë akulli
3 banane, të qëruara
50 gram sheqer
60 ml qumësht
Si përgatitet:
Si të sheqerosni gotat: fërkoni buzët e 2 gotave “Margarita” me fetat e limes. Mbushni një enë të sheshtë me sheqerin e imët. Zhytini gotat kokë poshtë në sheqer. Mbushni blender-in deri në gjysmë me akull. Shtoni lëngun e limeve, bananet, sheqerin dhe qumështin dhe përzieni. Shijojeni për ëmbëlsinë, ndjehuni të lirë të shtoni dozën e sheqerit sipas preferencës. Përzieni dhe për pak sekonda. Hidheni pijen tek gotat e sheqerosura.
