Një grua e moshuar ka ndërruar jetën sot në Spitalin Rajonal të Fierit.
87-vjeçarja kishte fituar betejën nga koronavirusi 2 javë më parë, por ndërkohë raportohet se ka ndërruar jetë si pasojë e problemeve me zemrën.
Mjekët thanë se e moshuara pësoi komplikacione pas infektimit me koronavirus. Para dy javësh të ndjerës i kishte vdekur edhe bashkëshorti nga koronavirusi.
Fillimisht të dy bashkë me bashkëshortin rezultuan pozitivë dhe u dërguan tek Spitali Infektiv ku bashkëshorti 90- vjeçar nuk doli më i gjallë kurse ajo arriti ta fitojë luftën por tashmë ka vdekur në Fier prej sëmundjeve të tjera.
