Këngëtarja shkodrane Elhaida Dani ka bërë realitet ëndrrën e saj. Nga Rusia, pikërisht në Pallatin e Kremlinit, Elhaida ishte pjesë e veprës së madhe “Katedralja e Parisit”, ku performoi në një nga skenat më të mëdha botërore.
Për këtë performancë të paharrueshme, Elhaida është vlerësuar nga kryeministri i Rusisë, Dmitry Medvedev, i cili pas shfaqjes i ka dhuruar një buqetë lulesh këngëtares.
“E nderuar të marr këtë buqetë me lule nga kryeministri i Rusisë, zoti Dmitry Medvedev, mbrëmë pas shfaqjes!”, ka shkruar Elhaida në postimin e saj.
Pas fitoreve të njëpasnjëshme në ‘The Voice of Italy’, Festivalin e Këngës si dhe përfaqësimi në Eurosong, Elhaida duket se po ecën në rrugën e sukseseve.
