Dita e djeshme ishte një ditë përplasjesh virtuale mes këngëtares Soni Malaj dhe moderatorit Ermal Mamaqi.
Këngëtarja i habiti të gjithë fansat me një status të publikuar në “Instagram”, ku shkruante se çifti Ermal dhe Ami janë ndarë, pas tradhtisë së moderatorit.
Gjithçka nisi me një hatërmbetje të Sonit pas një postimi në faqen e Ermal Mamaqit. Këngëtares duket se nuk i ka pëlqyer shumë fakti që portali shkruante se Soni i “braktiste” të dashurit e saj.
Në artikullin e publikuar në profilin e Ermalit, përmendeshin dy nga marrëdhëniet që Soni ka patur me personazhe të njohur të ekranit, Flori Mumajesi dhe balerini italian Mirko me të cilin këngëtarja ka edhe një vajzë.
Por sot, duket se dyshja kanë rënë në ujdi për të fshirë këto lajme aspak të këndshme për njëri tjetrin. Në profilin e Sonit nuk gjendet më statusi për ndarjen e çiftit, ndërsa në portalin Xing e ka fshirë lajmin për “të dashurit e saj”.
Shpresojmë që Soni dhe Ermali të kenë sqaruar çdo gjë mes tyre.
