Pas ndarjes nga Mozzik, Loredana është duke u përpjekur në maksimum që të jetë një nënë e kujdesshme për vogëlushen Hana.
Ajo shpesh ndan në rrjetet sociale foto dhe video ku shfaqet pranë saj dhe kohët e fundit janë bërë të pandara.
Loredana e merr vajzën pas kudo, madje edhe në studio teksa bën regjistrimet për projektet e saj të reja.
Hana ndodhet pranë së ëmës edhe në orët e vona të natës dhe për Loredanën duket se kjo është zgjidhja më e mirë.
Pas ndarjes nga Mozzik ajo tha se është një nënë beqare dhe e vetmja gjë e rëndësishme që ka është Hana.
Më herët vogëlushja kalonte shumë kohë edhe me babain e saj, por për shkak të ndarjes së prindërve ajo kalon më shumë kohë me të ëmën.
