Megjithëse janë shfaqur prej kohësh bashkë, Era Istrefi dhe Julian Perreta nuk e kanë përcaktuar asnjëherë se ç’janë në të vërtetë.
Marrëdhënia e tyre ka ngritur pikëpyetje tek publiku dhe prej kohësh po aludohej se dyshja po shijonte një lidhje dashurie.
Këtë linin të kuptohej edhe komentet pikante që Era dhe Julian-i i bënin herë pas here njëri-tjetrit në rrjete sociale.
Ata postuan foto dhe video edhe nga udhëtimi i tyre në Francë në fund të 2019-s! Gjërat mes tyre më pas u bënë disi më diskrete, dhe postimet e përbashkëta munguan për një kohë të gjatë, deri dje kur një koment i muzikantit në foton e Erës, bëri të lindin sërish dyshime!
Mirëpo, Perreta ka vendosur të tregojë së fundmi të vërtetën e marrëdhënies së tij me Erën, duke hedhur poshtë çdo dyshim që mund të ekzistonte për një romancë mes tyre.
Muzikanti tregon se ata janë thjesht shokë shumë të mirë.
Në një postim në Instagram, ai i është përgjigjur një fansi:
“Era Istrefi është shoqja ime më e mirë. E dua shumë! Kemi kaluar shumë gjëra bashkë! Kemi udhëtuar rreth botës bashkë! Kemi jetuar bashkë! Nuk mund të ishim më pranë se kaq! Ajo është e gjithë bota për mua”.
Gjithashtu, një një tjetër story Perreta pohon se flet thuajse çdo ditë me mikeshën e tij, Erën dhe këtë fakt e ka konfirmuar edhe bukuroshja shqiptare.
“Më mungon shoku im i ngushtë Juuuul”- shkruan Era krahas fotos së ripostuar, duke lënë të kuptohet se marrëdhënia e tyre aq e komentuar është vetëm shoqëri dhe asgjë më shumë.
Të paktën kështu thonë ata!
